KombetarjaNga data 8 deri me 13 tetor, ekipi kombëtar i Shqipërisë U-19 do të jetë pjesëmarrës në ndeshjet eliminatore të Kampionatit Europian që do të zhvillohen në Belgjikë. Në grupin ku luan Shqipëria, bëjnë pjesë edhe ekipet e Anglisë, Belgjikës dhe Qipros.
"Tri javë përgatitje intensive në Ohër të Maqedonisë dhe dy miqësoret e fituara ndaj Pogradecit dhe Tetovës, janë garanci për një përfaqësim dinjitoz në ballafaqimet e Belgjikës", tha për ATSH-në menaxheri i ekipit kombëtar U-19, Lusjen Nurishmi.
Në pritje të pjesëmarrjes në këtë aktivitet të rëndësishëm ndërkombëtar, Federata Shqiptare e Futbollit bëri të mundur grumbullimin e përfaqësueses sonë U-19 në Ohër të Maqedonisë, ku nën drejtimin e trajnerit Ramadan Shehu dhe kolegëve të tij, zhvilloi një përgatitje tepër intensive. Krahas seancave stërvitore, ku në më të shumtën e rasteve kanë qenë nga dy herë në ditë, si dhe ndeshjeve të kontrollit brenda vetes, kombëtarja U-19 pati mundësinë të zhvillojë edhe dy ndeshje miqësore, të cilat i shërbyen asaj për një kolaudim të funksionimit të reparteve të saj.
Takimi i parë i luajtur në Pogradec përballë skuadrës vendase të kategorisë së parë është fituar me rezultatin 3-2 nga kombëtarja shqiptare, ku autorë të golave për kuqezinjtë tanë kanë qenë Shkurtaj, Imami dhe Tirana.
Ndërkohë, takimin e dytë miqësor kuqezinjtë shqiptarë të moshës 19 vjeçare e kanë luajtur në Tetovë të Maqedonisë përballë një seleksioni të futbollistëve shqiptarë U-21 që aktivizohen në Maqedoni. Për të pasur një ambientim sa më të mirë me ndeshjet zyrtare që do të luhen nga data 8 deri me 13 tetor në Belgjikë, trajneri i Shqipërisë, Ramadan Shehu, ka preferuar që takimi me tetovarët të luhej nën shoqërinë e prozhektorëve.
Sipas Nurishmit, "përmes një interesimi shumë të madh nga ana e tifozërisë vendase, kombëtarja e Shqipërisë U-19 ka prezantuar në fushën e lojës një nivel të kënaqshëm, gjë për të cilën ka marrë duartrokitje të shumta nga publiku vendas".
Në përfundim, fitorja i ka buzëqeshur 19 vjeçarëve të Shqipërisë, me gol të shënuar në minutën e 25 nga talenti Vasil Shkurtaj, që luan me sukses në kampionatin grek, pas një aksioni individual model të ndërmarrë prej tij.
Sipas Nurishmit, "skuadra U-19 ka mbërritur në Tiranë për të kryer procedurat e marrjes së vizave pranë ambasadës belge, dhe më pas për të udhëtuar drejt Belgjikës, ku e presin tre ndeshje shumë të rëndësishme, fillimisht me Anglinë, më pas me Belgjikën dhe për ta mbyllur me Qipron".
Pak ditë më parë, kombëtarja U-17, me trajner Ardian Mema, mbylli konkurrimin e saj në eliminatoret e europianit duke luajtur në Maltë, me një barazim 1-1 të arritur ndaj Maltës, me gol të shënuar nga Arben Muskaj, ndërkohë që dy ndeshjet e mëparshme i pati humbur me të njëjtin rezultat 2-0, fillimisht ndaj Norvegjisë dhe më pas ndaj Irlandës së Veriut.
Lojtarët e Kombëtares U-19 të grumbulluar për këto eliminatore
Mario Mema,
Klejdi Branica,
Hamel Hoxha,
Antonio Marku,
Klajdi Ruçi,
Jurgen Kulli,
Ledion Muça,
Florind Bardulla,
Eni Imami,
Albi Kuçi,
Vasil Shkurtaj.
Françesko Tirana,
Mateo Qendro,
Gers Delia,
Alfred Deliallisi,
Françesko Jazexhiu.
Kushtrim Abdullai,
Emiliano Musta,
Ledion Muça
Ku jon talentet shqiptar nga europa ku esht sulmusi interit dhe ish mrojtesi i milanit qe luan me groseto ne itali ato te dy kon qen pjes e U -17 we really need a change in the people who run our U-15, -!7, -19, -21